Архангай аймагт “Хоршоологчдын зөвлөгөөн” амжилттай зохион байгуулагдаж, тус зөвлөгөөнд Монгол Улсын Их Хурлын дарга Дашзэгвийн Амарбаясгалан оролцлоо.
Тэрбээр хоршооллын салбарын хөгжлийн бодлогыг танилцуулж, хоршоологчдын үүрэг, оролцоо, төрийн дэмжлэгийн талаар онцлон дурдсан юм. Мөн хоршоологчдод амжилт хүсэж, мэндчилгээ дэвшүүлэв.
Зөвлөгөөнд Улсын Их Хурлын гишүүн Г.Хосбаяр, М.Мандхай нар оролцож, хоршоологчдод баяр хүргэн, улс орны хэмжээнд хэрэгжиж буй амжилттай туршлагуудыг хуваалцлаа.
Энэхүү зөвлөгөөн нь орон нутгийн хоршоологчдын хөгжлийг эрчимжүүлэх, хоршоодын тогтвортой үйл ажиллагааг дэмжих, гишүүдийн эрх ашгийг хамгаалах, тэдний орлогыг нэмэгдүүлэх бодлогын хэрэгжилтийг хэлэлцэх чухал арга хэмжээ боллоо.
